Тузан сөртмәгән өчен Илсөя Бәдретдинованың улын тәнкыйтьләгәннәр

Җырчы гастрольләрдә йөргәндә, фатирда йорт җиһазларына тузан кунган.

«Нариман телевизор тумбочкасындагы тузанга „прикольно“ дип язып куйган. Ял бүген минем. Киттем: җыям, юам, пешерәм, үтүклим… Кыскасы ял итәм», дип язган җырчы.

«Минем бабай гел әйтә: «Хезмәт ул — бәйрәм», дигән комментарий калдырган продюсер Рифат Фәттахов.

«Буген бөтен кеше обедка кадәр йоклый. Сез иртә торгансыз әле» дип язучыга җырчы «ату ял итәргә өлгермим» дип җавап язган.

«Ана баласы өчен җанын бирергә әзер. Балаларны жәлләмәгез, өйдәге эшләрне эшләсеннәр. Эшләгәне ана өчен булса, өйрәнгәне үзе өчен киләчәккә» дигән комментарийга җырчы «болай да бөтен эшемне эшли инде» дип җавап язган.

«Нариман бөтен эшне эшләгән, тузан гына сөртәсе калган»;

«Менә сиңаааа… Ул Нариман шул тузанны ник сөртми икән?! Аптыраааш… язып куйганчы сөртеп алган булса»…

«Тапкан бит сүзен»;

«Илсөянең бөтен эшен эшләп, тузан сөртергә хәле калмаган баланың»;

«Нариман да үзең кебек юморист икән»;

«Сезгә точно бер кыз кирәк яки Нариманга гына җавап язасызмы тузанга, сөртеп ал дип» кебек комментарийлар калдырганнар.

«Берәр авыл кызы юкмы соң шунда җыештырыштыргаларга? Сезнең болай да эш куп бит! Матур буласы үзе зур эш. Атказанган буласыгыз бар»! — дип кайгырткан берсе.