«Мунча ташы»на яңа артист» — Диләрә Илалетдинованың TikTok видеоларын халык яраткан | intertat.tatar

«Мунча ташы»на яңа артист» — Диләрә Илалетдинованың TikTok видеоларын халык яраткан

Яңа видеолар төшерергә этәргеч бирә торган смайликларны исәбе-хисабы юк.

Җырчы Диләрә Илалетдинова декрет ялында булу сәбәпле, концертларда чыгыш ясамый башлады. Әмма ул яңа шөгыль тапкан, TikTok төшерә. Бу шөгылен халык та яратып өлгергән, яңа видеолар сорап кына торалар.

«Директка видеолар күбрәк төшер дигән бик күп хәбәрләр килде. Мин төшереп торырмын, ә сездән комментарийлар көтеп калам», — дип язган җырчы.

Чираттагы видеосы «Мунча ташы» артистларына «пародия». Аны 8 500 чамасы кеше караган.

«Оста уйныйсың», «Яратып карыйбыз. Юмористка», «Шундый кызык килеп чыга», «Актриса», «Чын итеп уйныйсың», «Син чын актриса икән бит. «Мунча ташы»на яңа состав җыймыйлармы икән соң», «Диләрәнең яңа ягын ачтык» кебек комментарийлар белән канатландырган җырчыны виртуаль дуслары. Ә яңа видеолар төшерергә этәргеч бирә торган смайликларның исәбе-хисабы юк.