Зөлфәт Зиннуровтан шулпа рецепты

Алып баручы, җырчы Зөлфәт Зиннуров «Кыр көне»ндә катнашучыларны шулпа пешереп сыйлаган.

Зөлфәт Зиннуров шулпа пешерү рецептын инстадусларына да тәкъдим итә. Видеосы да бар.

«7 литрлы казан өчен мин болай итәм:

200 мл көнбагыш маена 1-1,5 кг итне салып, 10 минут тирәсе гел болгатып кыздырам. 6 баш суган салып, алтын төсенә керә башлаганчы кыздырам, аның өстенә 5 кишер салам. 10 минуттан эре кисәкләргә бүленгән 4 помидор, 4 болгар борычы, 1 чәй кашыгы кара борыч, кориандр, зира, ысланган паприка, хуш исле борыч, 6 лавр яфрагы һәм тоз салып, капкачын каплап, 10 минут тирәсе томалап пешерәм. Аннан су һәм 7-8 бәрәңге салып, капкачын каплап, кайнаганын көтәм. Кайнап чыккач, ачып, 1 сәгать тирәсе пешерәм.

Ашларыгыз тәмле булсын!»