Көньяк Африка Республикасы кызы “Мисс Вселенная” титулын алды

Россия вәкиле Алина Санько оештыру эшләрендә һәм виза ясауда килеп чыккан авырлыклар аркасында Америкада узган чарада катнаша алмады.

2019 елда “Мисс Вселенная” халыкара конкурсында ЮАР вәкиле Зозибини Тунзи җиңде. Бу хакта конкурсның Twitterдагы аккаунтына сылтама белән РИА Новости хәбәр итә.

Икенче, өченче урыннарны Мексика һәм Пуэрто-Рико кызлары алган.

“Мисс Вселенная” конкурсы быел Американың Джорджия штатында Атланта шәһәрендә узды.

Конкурсның рәсми сайтында хәбәр ителгәнчә, Зозибини Тунзи гендерларга карата көч куллануга каршы көрәш белән шөгыльләнә.

Россия вәкиле Алина Санько оештыру эшләрендә һәм виза ясауда килеп чыккан авырлыклар аркасында Америкада узган чарада катнаша алмады. Ул 14 декабрьдә Лондонда узачак “Мисс Мира” финалында катнашачак.