Фәрит Мөхәммәтшин илле ел бергә яшәгән хатынын кочаклап төшкән фотосын күрсәтте

Фәрит Мөхәммәтшин илле ел бергә яшәгән хатынын кочаклап төшкән фотосын күрсәтте
Татарстан Дәүләт Советы Рәисе Фәрит Мөхәммәтшин Гаилә, мәхәббәт һәм тугрылык көне белән котлады. Ул үзенең хатыны белән төшкән фотоны инстаграмдагы сәхифәсенә куйды.

"Луиза Әкрамовна белән илле елга якын бергә яшибез. Ярты сүздән, ярты караштан бер-беребезне аңлыйбыз. Минем өчен иң авыры - Луизаның кәефе төшкәнен күрү. Ул - бөтен гаиләбез өчен рухи терәк. Кайчакта эштән шулхәтлек арып кайтам, берни күрәсе килми хәтта. Аның бер җылы сүзе җитә - бар да яхшыра", - дип яза Фәрит Мөхәммәтшин.

Бу пост янына Айгөл Бариева комментарий язып калдырган. "Минем өчен ышанычлы, тугры, матур, чын гаиләнең иң зур үрнәге бу. Сезгә бәхет һәм озын гомер телим, кадерлеләребез", дигән ул.

Инстачылар да Мөхәммәтшиннар гаиләсенә соклана. "Фәрит абый, сезнең белән горурланабыз", дип язалар.