Дилә Нигъмәтуллина: "Мин киемгә киткән акчаны җилгә очыртам дип уйламыйм, ә ирләр шуны аңламый"

Дилә Нигъмәтуллина: "Мин киемгә киткән акчаны җилгә очыртам дип уйламыйм, ә ирләр шуны аңламый"
Дилә Нигъмәтуллина шопинг хакында пост язган: "Хәерле иртәләр, инстадусларым! Әни мәрхүмә миңа гел әйтә иде: " Матур киемнәргә акчаңны жәлләмә, рәхәтләнеп киенеп кал яшь чакта ",- дип. Чынлап та , безнең иң күп куллана торган әйберләр тормышта - кием бит. Шуның өчен мин киемгә киткән акчаны җилгә очыртам, дип уйламыйм. Ә ир кешеләр шуны аңламый. Сезнең дә шулаймы?" - дип сораган ул дусларыннан.

"Аңлама син, ярат кына дип бер җырласаң була инде", - дип җавап биргән Ләйлә Дәүләтова.

Күпчелек укучылар Диләне хуплаган:

"Үзең эшләгәндә ник киенмәскә? Менә мин эшләмим. Эшләмәгәч, акчам да юк. Затлык күлмәк тә ала алмыйм. Бер кемгә дә үпкәли алмыйм".
"Акчаң җитсә, рәхәтләнеп киен. Ләкин тормыш коргансың икән, бар ягын да уйларга кирәк. Кием кәефне күтәрә. Килешәм".
"Ой мин сезне аңлыйм, Дилә!"
"Әниегез дөрес әйткән!"
"Мин дә кызларыма гел шулай әйтеп торам. Яшь вакытыгызда, үзегез генә булганда рәхәтләнеп дөнья гизегез, сәяхәт итегез дим".
"Ирләр безне аңлый алмый".