Лилия Муллагалиева кечкенә вакытта әтисе белән төшкән фотосын күрсәтте

Җырчы балачакта җырлаган җырын да язган.

Җырчы Лилия Муллагалиева кечкенә вакытта төшкән фотосын күрсәтте һәм балачакта җырлаган җырын язды.

«Минем кечкенә вакытта төшкән бөтен фотоларда да авызым никтер гел ачык. Авызыңны яп дип әйтүче булмагандыр инде. Тиз-тиз төшкәнбездер. Бөтен фото да шул келәм фонында төшелгән. Күрәсең, өйнең почетлы урыны булгандыр. Бу вакытта мин җырлый идем инде. Авыл яшьләре клубның сәхнәсенә күтәреп куя иде дә, җырларга куша иде. Ә мин тырышып шул белгән дүртьюллыкны кат-кат җырлый идем.

Бүген сине төштә күрдем,

Бәрәңге ашыйсың икән,

Бәрәңгеле кулың белән

Башыңны кашыйсың икән…» — дип искә төшергән җырчы бала чагын.

Инстачылар бу фотога карап, Лилиянең кызы үзенә охшавы турында язганнар.

«Әтиегез матур кеше икән», «Җырның тулы текстын языгыз әле, кызык бит», «Җырчы буласың алдан билгеле булган», - дип язып калдырган җырчының виртуаль дуслары.