"Ләйсән Гыймаева өченче баласын көтә" дигән сүз дөресме?

Ике бала әнисе Ләйсән Гыймаева кабат әни булырга җыена бугай.
Ләйсән Гыймаеваның авырлы булуы турындагы хәбәр 2 февраль көнне Анна Попованың кичәсендә таралды. Ләйсән үзе артистлар зонасында күренмәде. Кайбер артистлар сөйләвенчә, Ләйсән чыгыш ясаганнан соң, Булат Бәйрәмов хатынын өйгә алып кайтып киткән.

Ландыш Нигъмәтҗанова Инстаграмда Ләйсәннең корсагын күрсәтеп төшкән фото урнаштырды. Фотога караганда, Ләйсәннең корсагы шактый беленә. Ләкин җырчы үзенең авырлы булуын расламый да, кире дә какмый. "Әлегә бер комментарий да бирмибез", - диде ул.

 

Билгеле булганча, Булат Бәйрәмов белән Ләйсән Гыймаеваның Таңсылу һәм Зифа исемле ике кызлары бар.