Чаллы кран заводы эротик календарь чыгарды
Кызлар шәрә тәнгә махсус кием киеп, станоклар янында фотога төшкән.
Чаллы кран заводы хезмәткәрләре инде ундүртенче ел рәттән Яңа елга эротик календарь ясый. Бу турыда «Татар-информ» хәбәр итте.
«Көткәнегезне беләбез. Тиздән! Быел кызлар авыр машина төзелеше цехлары фонында төште. Стандарт булмаган корпоратив презент традициягә әверелде инде. Быел кызлар ундүртенче тапкыр календарь өчен чишенә», — дип яза завод вәкиле социаль челтәрләрдә.
Быел кызлар станоклар янында, шәрә тәнгә махсус кием киеп төшкән.
Анонсны күргән кешеләр завод биналарының матур булмавына, кызларның эш урынында тәмәке тартуына игътибар итә, диелә бу хәбәрдә.
- Чаллы заводы, үзендә эшләүче кызларны чишендереп, эротик фотокалендарь чыгарган
- Башкортстандагы заводта төшерелгән эротик фотоларны интернетта таратканнар - видео