«Көлдереп үтердегез» - Гүзәл Уразова Әнвәр Нургалиевның килене булган

Әнвәр Нургалиев Гүзәл Уразова белән биегәнен видеога төшереп, Инстаграм битенә урнаштырган. Инстачылар җырчыларның өздереп биюләрен рәхәтләнеп күзәткәннәр.

«Хәерле көн, дусларым! Альберт абыйны туган көне белән котладык! Бик күңелле юбилей булды. Гүзәл Уразова белән биербез дип бер дә уйламаган идем. Илдар белән без бер районнан, шуңа Гүзәлгә мин килен дип дәшәм», - дип язган җырчы.

Инстачылар комментарийларын кызганмаганнар.

«Ничава биисең икән син, абзый!» — дип язган Әбри Хәбриев.

«Әнвәр, мин сиңа килен булгач, син миңа кем буласың инде?” - дип сораган җырчы Гүзәл Уразова.

«Кайната була», — дип җавап биргән бер инстачы.

«Тамада шәп!», «Шундый матур, ихлас көләсез», «Шуры-муры», «Көлдереп үтердегез, афәрин», «Матурлар, күз тимәсен», «Әнвәр абый, шәп! Сезгә дә ял итәргә кирәк!», «Бер дә кызык түгел», - диючеләр дә бар.