Димче Роза Ольга Бузовага гомерлек ялгызлык фаразлаган

Димче Роза Ольга Бузовага гомерлек ялгызлык фаразлаган
Телевидение алып баручысы һәм җырчы Ольга Бузова телевидение аркылы инде икенче мәртәбә үзенә мәхәббәт эзли. 2018 елда Ольга "Замуж за Бузову" шоуында катнашкан иде, ул вакытта берничә ир аның игътибары өчен көрәште. Быел да Ольга ТНТ каналында пәйда булачак. Бу юлы ул Тимур Батрутдинов белән "План 2" шоуында катнашачак.

Әмма Ольга Бузованың бу адымы өчен тәнкыйтьләүчеләр дә бар. Димче Роза Сябитова Ольганы да, Тимурны да, тапшыруны уйлап чыгаручыларны да тәнкыть утына тотты. Роза фикеренчә, мондый тапшырулар традицион гаилә кыйммәтләрен җимерү өчен эшләнә. Роза аларны ирләр һәм хатыннар арасында чын хисләр тууга киртә булып тора дип саный.

Ольга Бузова урынында мин башта шәхси проблемаларымны анализлар идем, ни өчен ялгыз булуымны ачыклар идем, аннан соң гына үземә мәхәббәт эзли башлар идем, дигән Роза Дни.ру порталына.

Ольга бер чиктән икенче чиккә ташлана, ирләр барлый, дип сүккән ул аны. Мондый ысул белән ул гомере ахырынача ялгыз булачак, дип фаразлаган Роза.