"Артыграк кыланасың, Дилә!" Дилә Нигъмәтуллинаны "рәхәткә чыдаша алмауда" гаеплиләр

"Артыграк кыланасың, Дилә!" Дилә Нигъмәтуллинаны "рәхәткә чыдаша алмауда" гаеплиләр
"Нигәдер бүген кәеф начар әле.... Нәрсә тәэсир итә икән ул кәеф дигән галәмәткә? Кем белә икән. Әйтегез әле?", - дип киңәш сораган Дилә Нигъмәтуллина.

Альбина Апанаева үзе белән очрашып кәеф күтәрергә тәкъдим иткән. 

"Минем кәефне акча тотып кибетләрдә йөрү күтәрә",  "Һава торышы начар" дигән фикерләр язганнар. 

Гадәттәгечә, берничә укучы "авылга, фермага" темасын кузгаткан. 

"Әнә Руслам Кираметдиновның кәефе яхшы, сенажда. Бар шунда, алыштырып та алырсың, кәефең яхшырыр".
"Кәефең начар булса, мондый фоткалар куеп, мактанып ятмас идең әле. Рәхәткә чыдый алмыйсың. Гади кешеләр кебек иртән биштә торып эшкә китеп, 8-10 сәгать станок артында эшләп, кайтып балаларыңны садиктан алып, уку яшендәгеләре белән дәрес әзерләп, ашарга пешереп, ашатып кәефең күтәрелгәнеңне сизми дә калыр идең. Артыграк кыланасың, Дилә!"