Исламда мәет яндыруга нинди караш? (Сорау-җавап)

"Зур шәһәрләрдә мәет җирләү елдан-ел авыр мәсьәләләрнең берсенә әверелә бара. Якын дустыбыз кинәт кенә үлеп китте. Зиратларда урын таба алмый интектек. Крематорий булса, яхшырак булмас идеме икән?"

Казанда яшәүче  Руфия Мохтарованың соравына җавапны Татарстан мөфтие урынбасары Рөстәм хәзрәт Хәйруллин җавап бирә.

– Әссәләәмү галәйкүм үә рахмәтүллаһи үә бәракәәтүһ!

Әгәр дә берәр мөселман гаиләсендә үлем-китем булса, динебез буенча  соңгы юлга юып, кәфенләп, дөрес итеп озату аның балалары, туганнары, якыннары өстенә төшә. Соңгы елларда зур шәһәрләрдә җирләү кыйммәт, дигән сылтау белән крематорий ачу мәсьәләсен күтәрә башладылар. Ислам динендә яндыру – гөнаһ.

Аны нәкъ менә зур шәһәрләрдә җирләү шарты тормый бит. Матди мөмкинлеге булмаганнар, ераграк алып барып, авыл зиратларына җирләргә мөмкин.