Дуңгыз елын каршылаганда Яңа ел өстәлендә булырга тиешле 12 ризык | intertat.tatar

Дуңгыз елын каршылаганда Яңа ел өстәлендә булырга тиешле 12 ризык

Кабан (дуңгыз) елын мул өстәл белән каршыларга кирәк. Сары кабанга экономия сүзе ошамый. Шуңа күрә Яңа ел өстәлендә 12 төрле ризык булырга тиеш. Якынча меню болайрак:

- Кара җимеш, алма яки әфлисун белән пешерелгән каз яки тавык;

- Пилмән;

- Томалап пешергән, кыздырган ит яки шашлык;

- Балык;

- Гарнирга яшелчә – бәрәңге боткасы, фри бәрәңгесе;

- Төрле салатлар;

- Сыр, колбаса, яшелчә тезелгән тәлинкәләр;

- Холодец;

- Бутербродлар;

- Җиләк-җимеш;

- Торт, желе, пирожное, кәнфитләр;

- Чикләвек.

Ризыкларны ел символы – дуңгыз формасында ясарга да була, аңа киләсе ел хуҗасы шат кына булачак.

Дуңгыз нәрсә яратмый?

Омар, кысла кебек диңгез ризыкларын куймау хәерле, юкса башланган эшләрегезнең очы-кырые күренмәс.

Дуңгыздан эшләнгән колбаса һәм башка ризыклар алудан да тыелып торыгыз.

Ярымфабрикат һәм фаст-фуд та яратмый дуңгыз.

Шулай ук исерткеч эчемлекләр белән дә “дуңгыз булганчы” мавыгырга тырышмагыз.