Барлык язмалар news_header_top_970_100
news_header_bot_970_100
Язманы тыңлагыз

COVID-19 белән авырганнан соң терелергә ярдәм итә торган ризыклар исемлеге

Реабилитация уңышлы булсын өчен иммунитетны ныгыта торган туклану таләп ителә.

news_top_970_100
COVID-19 белән авырганнан соң терелергә ярдәм итә торган ризыклар исемлеге
Салават Камалетдинов

Британия галимнәре ачыклаганча, COVID-19 белән авырганнан соң иммунитетка йогынты ясый торган туклану кирәк. Алар савыгуны тизләтә торган азык-төлек исемлеген төзегән. Бу турыда РИА Новости агентлыгы BMJ Nutrition, Prevention and Health журналына сылтама белән хәбәр итте.

Реабилитацияне яхшырту өчен тәкъдим ителә торган ризыклар исемлегенә С, D витаминнарына һәм цинкка бай азык-төлек керә.

  • С витаминына бай ризыклар — брокколи, кара карлыган;
  • цинкка бай ризыклар — краблы консервалар, креветкалар, кузаклылар һәм пешкән йомырка;
  • D витаминын — азык-төлеккә кушылма сыйфатында көненә 50 микрограммга кадәр.

С витамины сулыш алу системасын ныгыта, патогеннар керүне чикли, аларның сулыш юлларына түбәнгә төшеп китүен тоткарлый. Бу исә пневмония булдырмаска ярдәм итә.

D витамины — көчле иммунорегулятор. Ул респиратор инфекцияләр вакытында саклагыч функцияне башкара.

Цинк — иммунитетны эшләтеп җибәрә торган сигнал элементы булып тора.

Тикшеренүләр күрсәткәнчә, мондый диета реабилитация вакытын кыскарта, савыгуны тизләтә.

Астма, үпкәдә хроник авырулар, шикәр авыруы, йөрәк-кан тамырлары авырулары, иммунитет белән проблемалары булган кешеләргә һичшиксез табиб белән киңәшү кирәк, диелә хәбәрдә.

Комментарийлар (0)
Калган символлар:
news_right_column_1_240_400
news_right_column_2_240_400
news_right_column_3_240_400
news_bot_970_100