Кайсы тел алфавитында хәрефләр иң күбе, кайсында иң азы? | intertat.tatar

Кайсы тел алфавитында хәрефләр иң күбе, кайсында иң азы?

Дөньяда иң кыска алфавитта 12 хәреф, иң зур алфавитта 72 хәреф бар.

Дөньядагы алфавитларның күпчелегендә 20-40 хәреф бар. Рус, украин, грузин алфавитында 33 хәреф, инглиз, француз, немец алфавитында 26 хәреф бар. Итальян, грек һәм яһүд алфавитларында — 21, 24 һәм 22 хәреф бар. Бу турыда фактлар сайтында язылган.

Татар алфавитында 39 хәреф бар.

Дөньяда иң кыска алфавит — роткас теле алфавиты, анда 12 хәреф бар. Бу телдә Тын океанда урнашкан Бугенвиль утравында сөйләшәләр. Ул Яңа Гвинея составына керә, анда 4 мең чамасы кеше яши.

Гавай алфавитында 13 хәреф бар. Гавай архипелагында яшәүче берничә дистә мең кеше шул телдә сөйләшә.

Дөньяда иң зур алфавит — кхемер теле алфавиты, анда 72 хәреф бар. Бу телдә Камбоджа кешеләре сөйләшә. Әлеге уникаль алфавит Гиннесның рекордлар китабында теркәлгән.

Убых диалекты рекордлы алфавит белән мактана алыр иде, тик бу телдә беркем сөйләшми инде. Анда 91 хәреф бар. Әлеге диалект Кавказда кулланылган булган.