Җирдә нәрсәнең колаклары иң зурысы? | intertat.tatar

Җирдә нәрсәнең колаклары иң зурысы?

Җир куяннары күбәләк канат каккан тавышны да ишетә.

Җирдә яшәүче хайваннар арасында иң зур колак филдә — бу аермачык кебек. Аның колаклары 1-1,5 метрга кадәр җитә. Ләкин фил үзе дә 4 метрга кадәр биеклектә, 5-6 метр озынлыкта була. Димәк, филнең колаклары гәүдәсенең дүрттән береннән кимрәк. Колаклар турында белешмә фактлар сайтында чыкты.

Гәүдәсенә карата колагы озынлыгы иң зур булган җәнлек — Кытай һәм Монголиядә яши торган кушаяк (тушканчик). Аны җир куяны дип тә атыйлар. Ул үзе 9 см озынлыкта, ә колаклары 5-6 см. Колаклары гәүдә озынлыгының яртысыннан озынрак, кайчакта гәүдәсенең өчтән ике өлеше кадәр озынлыкта да була.

Җир куяннары күбәләк канат каккан тавышны да ишетә.

Африка төлкесе — фенека да зур колак иясе. Ул үзе уртача зурлыктагы песидән кечерәк, ә колаклары кешенең уч төбе кадәр зурлыкта.

Брюссель тәкәсе дип аталган җәнлекнең колагы да зур. Чынлыкта ул бөтенләй сарык түгел, ә декоратив кролик. Аны ясалма рәвештә чыгарганнар, колаклары ике якка таба төрелеп куелган һәм алар тәкә мөгезен хәтерләтә. Брюссель тәкәсенең колакларын сузып салсаң, ул гәүдәсенең яртысыннан озынрак була.