Бәйрәмнәрдән соң ничек үз формаңа кире кайтырга?

Табиб бәйрәмнәрдән соң формага килү алымнарын әйтте.

Озак вакыт авыр «бәйрәм» ризыклары — майонезлы салатлар, майлы кайнар ризыклар һәм ит ашау сәламәтлеккә начар тәэсир итә. Чөнки организм токсиннар һәм кирәксез калорияләр белән тулган була. Бу хакта «Российская газета» яза.

Шуңа күрә белгечләр яңа ел деликатесларын файдалы яшелчәләргә алмаштырып, разгрузочный көн ясарга киңәш итә. Тик пешкән бәрәңге белән түгел, ә свежий яшел үләннәр, кыяр, ташкабак һәм кәбестә белән. Шулай ук үсемлек мае белән ясалган җиңел салатлар һәм яшелчә ашлары да туры килә.

Диетолог Наталья Герасимова сүзләренчә, шулай ук алкогольдән баш тартырга, күбрәк чиста су эчәргә кирәк. Составында калий күп булган шифалы сулар да эчәргә була. Шулай иткәндә бәйрәмнәрдә күп ашау, спиртлы эчемлекләр эчү һәм аз хәрәкәтләнү аркасында килеп чыккан шешенүләрдән арынырга була.

Физик активлык һәм төнге йокы да организмны тернәкләндерергә ярдәм итә.