Бәхет гормоны ашказаны-эчәк авыруларыннан саклый

Серотонинның күп өлеше ашказаны-эчәклек системасында ясала.

Бәхет гормоны серотонин ашказаны-эчәк авыруларыннан саклый. Галимнәрнең тикшеренүе турында «Яндекс. Дзен» яза.

Тикшеренү авторы Ванесса Сперандео сүзләренчә, серотонин кайбер эчәк бактерияләренең үлем инфекцияләрен китереп чыгару сәләтен киметергә мөмкин. Белгечләр аңлатуынча, серотонинның үзенчәлекле дәвалау үзлегенә ия булуы, аның 90%ы ашказаны-эчәк системасында ясалуга бәйле.

Тикшеренүләр барышында галимнәр үлемгә китерүче азык-төлек инфекциясе бактериясе Escherichia coli O157 белән эшләгән. Белгечләр бу бактерияләрне лабораториядә үстергән, аннан аларны серотонин йогынтысына дучар иткән. Күзәтүләр аның җитди йогыш китереп чыгара торган геннар төркеменең экспрессиясен бик нык киметүен күрсәткән.