Үбешкәндә нинди авырулар йога?

Үбешкәндә нинди авырулар йога?
Салкын тиеп авырганда, очрашуга йөрмичә, үбешмичә тору хәерле. Бу турыда белгеч фикеренә сылтама белән "Москва" яңалыклар агентлыгы хәбәр итте. 
 
Мәскәү халкына беренчел медицина-санитария ярдәме күрсәтү департаментының штаттан тыш белгече Андрей Тяжельников үбешкәндә йога торган авырулар турында сөйләгән.

Дусларча гына үбешкәндә дә салкын тигәндә була торган авырулар йога. Шуңа күрә салкын тиеп авырганда, дәваланып бетмәгән килеш очрашуларга йөрми тору хәерле. 

Герпес авыруы булганда - иреннәр чабарганда да үбешү куркыныч. Бу авыру иммунитет көчсезләнүдән килеп чыга.

"Әгәр партнерларның берсенең иренендә яралар булса, икенчесендә герпес "чәчәк" атып ятса, авыру һичшиксез йога", - дип аңлаткан Тяжельников.