Шереметьево аэропортында самолет ни сәбәпле казага юлыккан?

Шереметьево аэропортында самолет ни сәбәпле казага юлыккан?
Тикшерү комитеты Шереметьево аэропортындагы фаҗиганең нинди сәбәпләр аркасында булу ихтималын атады. Алар: очучыларның һәм самолетка техосмотр уздырган диспетчерларның түбән квалификациясе, начар һава торышы, самолетның ватык булуы.

Тикшерүчеләр пилотларның диспетчерлар белән сөйләшкән язмаларын, видеоязмаларны, ягулыкны тикшерә. 

Самолетта 78 кеше. Аларның бишесе - экипаж әгъзалары. 33 пассажир һәм экипаж әгъзаларыннан 4 кеше котылып кала алган. 22 кеше каза күргән. 

Самолет бу көнне өч рейс ясаган: Саранскидан Шереметьевога, Шереметьеводан Саратовка һәм кире кайткан. Шереметьеводан Мурманскига очып киткәндә анда техник төгәлсезлекләр барлыгы ачыклана, очучылар самолетны кире аэропортка утырта. Аэропортка утырганда аңа ут каба. 

Самолет 2017 елда төзелгән булган, 2019 елда техник күзәтү узган. 

РБК хәбәр итүенчә, техник төгәлсезлек яшен сугу белән бәйле булырга мөмкин. Самолетның очучысы Денис Евдокимов та самолетка яшен сугуы хакында әйткән.