Владимир Путин Япониягә саммитка термосына нәрсә салып алып барган - видео

Владимир Путин Япониягә саммитка термосына нәрсә салып алып барган - видео
Япониядә саммит вакытында кичке ашка җыелгач, Россия Президенты Владимир Путин үзенең термос-стаканын тотып килгән. Президентның матбугат сәркатибе Дмитрий Песков бу термоста нәрсә булганын әйткән. Бу турыда РИА Новости хәбәр итте.

"Россия Президенты бу термостан чәй эчә", - дип аңлаткан ул.

Видео кадрларында Путинның ак төстәге термостаканнан эчкәне күренә.

Кичке аш вакытында Владимир Путин шушы термосын АКШ Президенты Дональд Трамп бокалы белән чәкешетергән. Трамп бокалында кола булган. Ул шушы газировканы бик ярата икән.

Кайсыбер матбугат чаралары Трампның Ак йорттагы бүлмәсендә газировка китертә торган махсус төймә дә бар дип язган. Имеш, Трамп газировка һәм бургерларны бик ярата икән. 

Фотода Россия Президенты Владимир Путин Япония Премьер-министры Синдзо Абэ белән.