Казанда 7 яшьлек сабый фаҗигасе: «Кеше күп була, тик батучы балага беркем игътибар итми»
Казанда 7 яшьлек малай бассейнда батып үлү турында эш буенча суд процессы тәмамланып килә. Бу хакта «Татарстан 24» телеканалы хәбәр итә.
Узган елның 31 мартында Казандагы элиталы торак комплекста урнашкан фитнес-клуб бассейнында 7 яшьлек малай батып үлә. Баланың үлеме турындагы эш Совет район судында карала.
Фаҗига булган көнне, малайның әнисе чишенү бүлмәсенә киткән арада, бала караучысыз кала, ул үзе генә суга чума. Бассейнга килүчеләр күп булуга карамастан, аларның берсе дә батучы балага игътибар итми, диелә хәбәрдә.