Россиядә коронавирусның икенче дулкыны кайчан булачак?
Эксперт әйтүенчә, әлегә кешеләр «җиңел авырый», чөнки кояш ультрофиолеты аркасында «җәй көне вируска уңайсыз» һәм ул артык агрессив түгел.
Россиядә коронавирус инфекциясенең икенче дулкыны октябрьдә башланачак. Әмма COVID-19 белән җәй көне авырганнарга караганда, соңрак йоктырган кешеләр вирусны авыррак уздырачак. Бу хакта медицина фәннәре докторы, эпидемиолог һәм вируслы инфекцияләр буенча контроль һәм профилактика өлкәсендә эксперт Михаил Фаворов әйтте дип хәбәр итә РБК.
Эксперт әйтүенчә, әлегә кешеләр «җиңел авырый», чөнки кояш ультрофиолеты аркасында җәй көне вируска «уңайсыз» һәм ул артык агрессив түгел. Шулай итеп, Фаворов фикеренчә, кешеләр өчен салкын вакытта авыруга караганда, аны хәзер уздырып җибәрү яхшырак.