Чаллыда 19 яшьлек егет югалган

Алексей 26 майда документларын алып чыгып киткән.

Яр Чаллы шәһәрендә 19 яшьлек Алексей Лех югалган. Бу турыда «Челнинские известия» хәбәр итте. Егетнең фотосы да шушы сайтта урнаштырылган.

Ул 26 майда өйдән чыгып киткән һәм шуннан бирле аның хәбәр-хәтәре юк. 

Алексей 25нче комплекста яши. Буе 185-190 см, чандыр гәүдәле, коңгырт күзле, аксыл чәчле.

Өйдән чыгып киткәндә аның өстендә караңгы төстәге бәйләнгән свитер, спорт трикосы, кара төсле кроссовки була. 

Алексей үзе белән чит ил паспортын, СНИЛС, смартфон һәм банк карталарын да алган.

Әлеге егет турында мәгълүматы булган һәркемнән 39-69-02, 39-66-57 номерларына шалтыратырга сорыйлар.