Игорь Николаевның коронавируска тест нәтиҗәсе билгеле булды
Россия музыканты Игорь Николаев коронавирус йоктырган дигән хәбәр таралган иде.
Игорь Николаев коронавируска тест ясаган һәм, ниһаять, аның нәтиҗәсе билгеле. Җырчы коронавирус белән авырмый. Бу турыда ул инстаграмдагы сәхифәсендә хәбәр итте.
Аның аккаунтында анализ нәтиҗәләре сурәтләнгән фото чыкты. Фотода пациент турында белешмә бар. «Николаев Игорь Юрьевич», диелгән.
Документта язылганча, музыкантка якынча диагноз — үпкә ялкынсынуы куелган. Аның биологик материалларын COVID-19 вирусына тикшерү өчен анализга җибәргәннәр. Бланк астында табиб мөһере тора һәм кулдан «тискәре» дип язылган.
«Мин дусларыма да, хезмәттәшләремә дә борчылган өчен рәхмәт әйтәм. Бар яхшы буласына ышанган, яхшылык теләгән кешеләргә рәхмәт! , — дип яза Игорь Николаев. Бу турыда Рамблер.Новости хәбәр итте.
Композитор, җырчы, Россиянең атказанган сәнгать хезмәткәре Игорь Николаевка 17 гыйнварда 60 яшь тулды. 21 мартта ул Евгений Евтушенко шигырен укып, бөтен кешегә сәламәтлек теләгән иде.