"Мост" сериалының актрисасы 37 яшендә вафат булган

"Мост" сериалының актрисасы 37 яшендә вафат булган
"Мост" сериалы актрисасы Стефани Шерк 37 яшендә вафат булган. Аның үлеме хакында ире, "Оскар" премиясен алган актер Демиан Бичир хәбәр итте. Актрисаның ни өчен вафат булганы хәбәр ителми. 

 "Йөрәктәге бетмәс газап белән кадерле Стефани Шерк, минем яраткан һәм мине яраткан хатынымның тыныч кына китеп баруын хәбәр итәргә мәҗбүрмен. Бу безнең тормышыбыздагы иң моңсу һәм авыр вакыт", - дип язган Демиан Бичир. 

 "Безгә Стефаниның матурлыгы һәм таланты җитмәячәк. Ул һәрвакыт безнең йөрәкләрдә калачак. Сезнең догаларыгыз өчен рәхмәт", - дигән ул. Бичир белән Шерк 2010 елда таныша һәм дүрт елдан соң өйләнешәләр. Аларның балалары булмый, әмма актерның 2011 елда туган кызы Гала бар. 

Стефани Шерк төшкән соңгы картина - "Каргыш", ул 2020 елда чыгачак. Бичир "Копы в юбках", "Омерзительная восьмерка", "Чужой: Завет" фильмнарындагы рольләре белән таныш.