Бер кызның борыныннан сасып беткән резина кисәге алганнар

Бер кызның борыныннан сасып беткән резина кисәге алганнар
Берләшкән Гарәп Әмирлегендә табиблар бер кызның борыныннан чит предмет алган. Бу әйбер кисәге кызның сулыш юлларында ун ел чамасы яткан. Бу турыда Daily Mail басмасына сылтама белән "Лента.ру" хәбәр итте.

15 яшьлек кыз борыныннан кан агуга зарланып табибларга мөрәҗәгать итә. Бала инде берничә ел интегүен сөйли. Рентген һәм компьютер томографиясе ясаганнан соң, борын куышлыгында катлаулы формадагы предмет булуы ачыклана.

Табиблар фикеренчә, бу ринолит - күп еллар дәвамында төрле минераль тозлар белән капланган чит предмет. Күрәсең, берничә ел элек кыз баланың борынына кергән чит әйбер шулай итеп тозлар белән капланып беткән. Кыз борынына нәрсә кергәнен искә дә төшерә алмый.

Ринолит бик зур булган. Аны алу өчен кызга наркоз бирергә туры килгән. Шулай итеп кыз баланың борыныннан ике сантиметр чамасы озынлыктагы резина кисәген алганнар. Аннан бик сасы ис килгән. Операциядән соң баланың хәле яхшырган.