Ваннада телефоныннан электр тогы сугып, 13 яшьлек кыз үлгән

Кызның әти-әнисе ваннадан килгән тавышка йөгереп барганнар, тик ишек бикле булган.

Ванна ишеген ватып кергәндә, баланың гомер өзелгән булган инде.

Красноярскида 13 яшьлек кыз ваннага мобильнигын төшереп җибәргән һәм электр тогы сугудан үлгән, дип Россия Тикшерү комитеты матбугат хезмәте хәбәр итте.

Кыз электр челтәренә тоташтырылган телефонын ваннадага суга төшереп җибәргән дип фаразлана.

Тикшерүчеләр җинаять эше ачкан.