Татарстанда урамнан баручы кызга шприц белән кадаган кешене эзлиләр

Татарстанда урамнан баручы кызга шприц белән кадаган кешене эзлиләр
Түбән Кама шәһәрендә урамда бер хатын-кызга узып баручы чит ир-ат шприц белән кадап киткән. Бу турыда "Татар-информ" агентлыгына Россия Эчке эшләр министрлыгының Түбән Кама шәһәре буенча идарәсендә хәбәр иттеләр.

Кичә кич белән Корабельная урамындагы 25/26 йорт каршында 32 яшьлек хатын-кызга бер ир-ат һөҗүм итә. Ул хатынга шприц энәсе белән кадый һәм йөгереп китеп бара.

Бу хатын кичекмәстән полициягә мөрәҗәгать итә, табиблардан ярдәм сорый.

Һөҗүм иткән ир-атның шәхесен ачыклаганнар һәм хәзер аны полиция эзли. Әлеге ир-ат турында мәгълүматы булган һәркемгә полициягә 02 яки 102 номерына шалтыратып хәбәр итүне сорыйлар.