Балалы хатын утырган автомобиль эченә елан кереп яткан - видео

Балалы хатын утырган автомобиль эченә елан кереп яткан - видео
Краснодарда җиңел машина эченә елан кереп яткан. Автомобильдә балалары белән хатын утырган. Алар еланны күргәч, бик курыкканнар һәм тиз генә салоннан чыгып киткәннәр. Еланны җиңел машинадан чыгару өчен шактый тырышырга туры килгән. Бу турыда РЕН ТВ каналы хәбәр итте.

Машина хуҗасы еланны үзе алып ташларга батырчылык итмәгән, ул ярдәмгә белгечләр чакырган. Бу хатын еланның машинада кайчаннан бирле ятканын да әйтә алмый.

Белгечләр еланны машина салоныннан алып, пластик банкага салган. Шаһитлар бу агулы елан дип фаразлый. Социаль челтәр кулланучылар исә елан куркыныч кебек күренсә дә, агулы түгел дип раслый.

Еланны шәһәр читенә илтеп, иреккә җибәргәннәр.