Удмуртиядә 11 яшьлек малай өшеп үлгән

Воткинскида якшәмбегә каршы төндә һава температурасы -19 градуска кадәр төшкән.
“Татар-информ” хәбәр иткәнчә, малайның мәктәптән өенә кайтмавы турындагы белдерү социаль челтәрләрдә кичә чыккан.

Соңрак Воткинск торак пунктының бер бакчачылык ширкәтендә 11 яшьлек мәктәп укучысының үле гәүдәсен тапканнар, дип “Известия” хәбәр итте.

Агентлык мәгълүматлары буенча, ир бала туңып үлгән.

Россия Тикшерү комитетының Удмуртия буенча идарәсе матбугат хезмәте җинаять эше ачылу турында хәбәр итте.