Җәйге ял вакытында эшкә урнашкан 15 яшьлек егетне ток сугып үтергән

Казанның Крутовская урамындагы складка җәйге ял вакытында эшкә урнашкан үсмерне электр тогы сугып үтергән. Бу хакта "Эфир-24" каналы хәбәр итә.

15 яшьлек егет тозны тартмалаучы аппаратта эшләгән. Аппаратны туктату өчен кнопкага баскач, аны ток суга һәм ул аңын югалтып егыла. Үсмерне ашыгыч рәвештә сырхауханәгә алып киләләр, әмма аның гомерен саклап кала алмыйлар. 

Хәзерге вакытта базада тикшерү эшләре бара. Экспертлар аппаратның төзеклеген тикшерәләр.  Җинаять эше ачылган. Предприятиедә тентү үткәрелгән, шаһитлардан күрсәтмәләр алынган.