Барлык язмалар news_header_top_970_100
news_header_bot_970_100
Язманы тыңлагыз

Башкортстанда өч хатын нәни баланы һәм аның анасын үтерергә маташкан

Көнче хатын иренең сөяркәсе булуын белеп ала һәм үч алырга карар кыла.

news_top_970_100
Башкортстанда өч хатын нәни баланы һәм аның анасын үтерергә маташкан
https://pixabay.com

Башкортстан Югары суды республикада яшәүче өч хатын-кызга карата суд карарын үз көчендә калдырды. Салават шәһәре суды аларны «ялланып, ике кешене, шул исәптән нәни баланы үтерүне оештыру һәм шуңа ярдәм итү» маддәсе буенча гаепле дип тапты һәм 8 дән 9 елга кадәр гомуми режимлы колониягә озату турында хөкем карары чыгарды. Бу турыда «Башинформ» хәбәр итте.

Башкортстан прокуратурасы белешмәсе буенча, гаепләнүче хатыннарның берсе үзенең иренең хыянәте турында белеп ала. Ул көндәшенең Салават шәһәрендә яшәүче 45 яшьлек хатын булуын ачыклый. Көнчелек аркасында, 2018 елның августында бу хатын танышлары белән бергә җинаять оештырырга карар кыла. Алар көндәш хатынны һәм аның нәни баласын үтерергә җыена.

Сөяркәне үтерер өчен киллер эзләп, алар тагын бер таныш хатынга мөрәҗәгать итә. Таныш хатын 30 мең сум акчага киллер табарга ризалаша һәм бу рольгә үзенең улын тәкъдим итә. Сөяркәне һәм аның баласын үтергән өчен 220 мең сум түләргә килешәләр.

«Ләкин ир-ат хокук саклаучыларга хәбәр итә һәм заказчының планнарын сөйләп бирә. Гаепләнүче хатыннар хөкем карары белән риза булмый, алар апелляциягә бирә. Республиканың Югары суды билгеләнгән җәзаның гадел булуын таный һәм хөкем карарын үзгәрешсез калдыра», диелә ведомство хәбәрендә.

Комментарийлар (0)
Калган символлар:
news_right_column_1_240_400
news_right_column_2_240_400
news_right_column_3_240_400
news_bot_970_100