Саратов өлкәсендә авариядә дүрт кеше һәлак, биш кеше имгәнгән

Авариягә очраган машинада сигез кеше була.

Саратов өлкәсенең Татищев районында ике автомобиль бәрелешкән. Авариядә дүрт кеше үлгән, биш кеше имгәнгән. Бу турыда өлкә буенча ЮХИДИ идарәсенә сылтама белән РИА Новости хәбәр итте.

Фаҗига 16 гыйнварда 08.20 сәгатьтә Р-158 Нижний Новгород - Арзамас - Саранск - Исса - Пенза – Саратов трассасының 580 нче километрында була.

«Башлангыч мәгълүмат буенча, «Волга» автомобиле Hyundai минивэны белән бәрелешә», - дип әйткән агентлык әңгәмәдәше.

«Волга» машинасында йөртүче ир-ат кына була, ул урында ук үлә. Минивэнда сигез кеше бара, алар чит илдән килгән. Бу кешеләрнең өчесе үлгән, тагын бишесе имгәнгән.

Имгәнгән кешеләрнең өчесе бик авыр хәлдә, тагын икесенең хәле уртача авырлыкта. Бу турыда төбәк буенча Сәламәтлек саклау министрлыгы матбугат хезмәте хәбәр итте.

Фаҗига сәбәпләрен ЮХИДИ белгечләре ачыклый.