Мәскәүдә бер йортта өч этажда янгын чыккан

Мәскәүдә бер йортта өч этажда янгын чыккан
15 ноябрьгә каршы төндә Мәскәүнең Удальцов урамындагы күпкатлы йортта шартлау булган. Гадәттән тыш хәлне шаһитлар видеога төшергән. Бу кадрларны "Вести" каналы күрсәтте. 
 

Шартлаудан соң фатирлар арасындагы стеналар ишелгән, янгын чыккан. Бишенчедән җиденче катка кадәр барлык фатирларга да ут капкан.

Фаҗигадә ике кеше имгәнгән, тагын 17 кешегә коткаручылар ярдәм иткән. Иллеләп кеше эвакуацияләнгән.


Соңрак билгеле булганча, бу йортта өч этаждагы фатирлар барысы да янып беткән. Башлангыч версия буенча, бер фатирда газ шартлаган. Фатир стеналары ишелгән, тәрәзәләр ватылып беткән, электр үткәргечләр өзелгән. Бу йортта утны һәм газны тулысынча сүндергәннәр.