Сабый өстенә компот түгелгән өчен балалар бакчасы 600 мең сум түләгән

Бала ике ай дәвамында дәваланган, аңа операция ясаганнар.

Воронеждагы балалар бакчасында сабый өстенә бер литр кайнар компот түгелгән. Аның анасы балалар бакчасын судка биргән. Суд карары белән аңа 600 мең сум компенсация түләгәннәр. Бу хакта ren.tv сайты яза.

Бу хәл 2017 елда булган. Тәрбияче кайнар компот салынган кәстрүл күтәреп килә. Шул вакытта аңа бала килеп бәрелә. Эчемлек сабый өстенә түгелә. Шул сәбәпле кызның тәне пешә. Бала ике ай дәвамында дәвалана, аңа операция ясыйлар.

Җинаять эше ачыла. Суд карары буенча, зыян күргән сигез яшьлек кыз файдасына 500 мең, ә әнисе файдасына өчен 100 мең акча түләткәннәр, диелә хәбәрдә.