Тамбов өлкәсендә ике микроавтобус кара-каршы бәрелешкән: биш кеше үлгән, сигез кеше имгәнгән

Тамбов өлкәсендә ике микроавтобус кара-каршы бәрелешкән: биш кеше үлгән, сигез кеше имгәнгән
Бүген иртәнге якта Тамбов-Воронеж юлында коточкыч авария булган. Ике микроавтобус бәрелешкәннән соң, биш кеше урында ук үлгән, тагын сигез кеше имгәнгән. Бу урыннан кадрларны "Вести" каналы күрсәтте.

Авария Р-193 трассасының 139нчы километрында иртәнге 5.45 сәгатьтә була. Мордовия районының Шульгино авылы янында Citroen Jumper микроавтобусы каршы як полосага чыга һәм каршыга килә торган Fiat Ducato микроавтобусы белән бәрелешә. 


Тамбов өлкәсе буенча Эчке эшләр министрлыгы матбугат хезмәте авария урынына полиция хезмәткәрләре китүен, фаҗиганең сәбәпләре ачыклануын хәбәр итте. Авария урыныннан фотолар министрлык сайтында чыкты.

Видео кадрларыннан күренгәнчә, автобусларның кисәкләре төрле якка таралып беткән.