"Әнисенең үлгәнен карап торасы килгән": Тугыз яшьлек малай әнисен атып үтергән

"Әнисенең үлгәнен карап торасы килгән": Тугыз яшьлек малай әнисен атып үтергән
Американың Мичиган штатында тугыз яшьлек малай үз әнисен атып үтергән. Хатынның мәетен бала белән ана яши торган йорт идәнендә тапканнар. Бу турыда РЕН ТВ каналы хәбәр итте.

Хокук саклаучылар нәни малайны үз анасын үтерүдә гаепли. Моңа кадәр малай әнисен үтерү белән янаган булган. Аңа хәзер психиатрия экспертизасы ясыйлар.

Бу малай әнисенә үтерү белән янаганны күрше хатын да ишеткән булган. "Ул анасын пычак белән суеп үтерергә теләвен әйтте. Әнисенең ничек үлгәнен карап торасы килүен, әнисенең елаганын күрәсе килүен сөйләде", - ди күрше хатыны.

Җинаятьтә шикләнелүче тугыз яшьлек малайның апасы исә бу хәлгә ышанмый. Ул энесенең әниләрен яратуын әйтә. "Ул нишләгәнен дә белми. Ул хәзер ни булганын гомумән дә аңламый", - дип сөйләгән бу кыз.