Татарстанда трассада бер хатын-кызны машинадан ыргытканнар

Бу хәл талаш аркасында килеп чыккан.

Кичә ГЛОНАСС системасына Алабуга-Чаллы юлыннан хәбәр килгән. Святой Ключ борылышында Алабуга кешесе хатын-кызны чәчләреннән йолкып машинадан чыгарып аткан.

Бу хәбәрдән соң әлеге хатын-кыз полициягә мөрәҗәгать иткән.

Полиция хәбәре буенча, 45 яшьлек хатын белән 50 яшьлек талашканнар. Хатын-кыз гариза язган, кыйналган урыннары турында белешмә алган. Хәзерге вакытта тикшерү бара.

Бу турыда "Новая Кама" газетасы хәбәр итте.