Краснодар якларында таудан төшеп киткән автобуста Татарстан кешеләре дә булган

Краснодар якларында таудан төшеп киткән автобуста Татарстан кешеләре дә булган
7 августта Новороссийск шәһәре янында булган юл һәлакәтендә Татарстан кешеләре дә имгәнгән. Бу турыда "Челнинские известия" сайты хәбәр итте.

Россия Тикшерү комитетының Краснодар өлкәсе буенча тикшерү идарәсе хәбәр иткәнчә, туристлар утырган "Хендай" автобусы һәм "Фольксваген Туарег" машинасы трассада бәрелешкән. Шуннан соң ике машина да таудан төшеп киткән. 

Автобуста ике кеше - Чаллыда яшәүче 20 яшьлек егет һәм 17 яшьлек кыз булган. Алар имгәнгән. Хәзер хастаханәдә яталар. Якташларыбызның хәле стабиль дип бәяләнә.

Башлангыч мәгълүматлар буенча, 40 кеше хастаханәдә, 13 кешегә операция ясаганнар. Өч кеше, шул исәптән ике бала һәлак булган. Алар җиңел машинада утырган.

Хокук саклау органнары җинаять эше ачкан.