27 яшьлек Татарстан егете Рәмис эзсез югалган

Татарстанда яшәүче 27 яшьлек Рәмис Нуруллин Ульяновскига вахта ысулы белән акча эшләргә йөргән.
1 март кичендә егет иптәшләре белән чыгып киткән һәм тулай торакка кире кайтмаган. Ул ярты сәгатькә генә дусларыннан аерылып торган, шуннан соң телефонын алмаган. Бу турыда "Вести Камаза" хәбәр итте.

Шул көннән бирле Рәмис эзсез югалган.

5 мартта Рәмиснең туганнары полициягә мөрәҗәгать иткән, аны эзли башлаганнар. Хатыны да Ульяновскига киткән.

Рәмис Нуруллин турында белүчеләр булса, түбәндәге номерларга шалтыратулары сорала: 02 яки 8-927-241-30-20