Сириядә шартлаган Россия самолетында 39 кеше һәлак булды

Сириядә “Хмеймим” аэродромына төшәргә кергәндә Россия Ан-26 транспорт самолеты һәлакәткә очрады.
"Известия" газетасы хәбәр иткәнчә, үлүчеләр саны 39 га җитте. 33 пассажир һәм экипаж членнары 6 кеше шартлаган самолетта һәлак булды. 

Моңа кадәр "Татар-информ" Сириянең “Хмеймим” аэродромында Ан-26 самолеты һәлакәтендә үлүчеләр арасында хатын-кызлар да бар, дип хәбәр иткән иде.

Оборона министрлыгында самолетка һөҗүм булмаганлыгын һәм һәлакәт техник төзексезлек аркасында килеп чыгарга мөмкин, дип белдергәннәр