Композитор, музыкант, «Сплин» төркеме катнашучысы вафат булган | intertat.tatar

Композитор, музыкант, «Сплин» төркеме катнашучысы вафат булган

Ул НТВ каналында «Намедни», «Программа максимум», «Школа злословия», «Большой брат» тапшыруларына саундтреклар яза.

Россия композиторы, музыкант, «Сплин» һәм «Колибри» төркемнәре катнашучысы Олег Эмиров вафат булган. Аңа 51 яшь иде. Бу турыда РИА Новости яза.

«Колибри» төркеменең социаль челтәрләрдәге сәхифәсендә кайгынамә урнаштырылган. «Сирәк һәм олы сәләтле музыкант иде, югары дәрәҗәдә мәдәниятле, зирәк дус һәм ышанычлы иптәш. Кеше», — диелә хәбәрдә.

Матбугат чаралары язганча, музыкантның йөрәк авырулары булган.

Эмиров 1970 елда Ленинградта туа. НТВ каналында «Намедни», «Программа максимум», «Школа злословия», «Большой брат» тапшыруларына саундтрек яза, «Сплин» төркеменең «Резонанс. Часть первая» альбомын ясый.