"Чын диңгез монда, абау!" Казанны тагын су басты

"Чын диңгез монда, абау!" Казанны тагын су басты
Кичә көн буе яңгыр яуганнан соң Казан урамнарын тагын су басты. Социаль челтәрләрдә су баскан башкала урамнарыннан фото һәм видеолар куйдылар.





"Чын диңгез монда, абау, кошмар!" "Ливневкалар кайда?" "Иртәгә көймәдә чыгарга кирәк", - дип сөйлиләр һәм язалар кичә яңгыр астында калган кешеләр. Дзержинского урамын тулысынча су баскан. 

Бүген тагын яңгыр һәм җил көтелә.

Социаль челтәрләрдә "Казанда су баскан" дип чит шәһәрдәге фотолар да тарала. Әлегә билгеле булган мәгълүматлар буенча, бу Казан түгел, Дзержинск шәһәрендә төшереп алган фотолар. Казанда су автомобиль тәрәзәсенә кадәр җитмәде әле.