Казанда машина астында җир убылып төшеп киткән

Казанда җиңел машина йөртүчесе күңелсез хәлгә очраган.

Гагарин урамында "Renault" машинасы тәгәрмәче астында асфальт убылып төшеп киткән. 

Бу урында юл хезмәткәрләре эшләгән булган, алар чокырга чуерташ тутырып киткән, дип фаразлый машина йөртүче. Машинаны чокырдан тартып чыгару өчен махсус хезмәт чакырырга туры килгән.

ЮХИДИдан справка алганнан соң, хуҗа судка барырга ниятли, дип хәбәр итә "Татарстан24" телеканалы.

Хәбәрче әйткәнчә, биредә юл төзәтү эшләре булган. Куркыныч участокка бернинди дә билге куелмаган, дип канәгатьсезлеген белдерә машинасы җимерелгән хуҗа.