17 яшьлек кыз мәктәптән кайтышлый югалган

Авылда югалган кыз Яр Чаллы шәһәрендә булуы ихтимал.

Башкортстанның Ярмәкәй районы буенча полиция хезмәткәрләре хәбәрсез югалган 17 яшьлек Вилена Николаевна Николаеваны эзли. Бу турыда Эчке эшләр министрлыгы  хәбәр итә.

Югалган кыз Елан-Чишмә авылында яши. 16 ноябрьдә Вилена Суыккүл авылында урнашкан мәктәптән чыгып киткән һәм югалган. Бүгенге көнгә кадәр яшүсмер кыз турында бер хәбәр дә юк. Аның Яр Чаллы шәһәрендә булуы ихтимал, диелгән әлеге хәбәрдә.

Виленага карап торышка 16–18 яшь, буе 165–170 см. Тазарак гәүдәле, чәчләре җирән төсле, бите овал формасында, кашлары туры.

Вилена Николаева турында мәгълүматы булган кешеләрне 8-917-758-77-06, 8 (34741) 2-22-02, 02, 020, 002 номерларына шалтыратырга сорыйлар.