Уфада берьюлы өч йорт янган - видео | intertat.tatar

Уфада берьюлы өч йорт янган - видео

Янгын башка йортларга күчү куркынычы булган.

Узган төндә Уфада бик зур янгын булган. Бу турыда «Башкортстан» телеканалы хәбәр итте.

Чкалов урамында 00.47 сәгатьтә бер йорт яна башлый, аннары ялкын башка өйләргә күчә. Шулай итеп биредә берьюлы өч йорт янган.

Коткаручылар килгәндә аларның барысын да ялкын чолгап алган инде. Әле тагын башка йортларга һәм корылмаларга да ут күчү куркынычы була.

200 квадрат метр мәйдандагы янгынны төнге 2.20 сәгатьтә сүндереп бетергәннәр. Имгәнүче кешеләр юк.

«Янгын сүндерүдә 43 кеше, 14 берәмлек техника катнашты. Урында янгын сүндерү лабораториясе экспертлары эшли», — диелә Башкортстан буенча Гадәттән тыш хәлләр министрлыгы хәбәрендә.