Казанда йөкле хатынны ире үтергән

Алтынчы аен йөкле булган хатын ирен беркайда эшләмәгән өчен гаепләгән.

Татарстан буенча Тикшерү комитеты 32 яшьлек Андрей Парахинга карата җинаять эше ачкан. Аны йөкле хатынны үтерүдә гаеплиләр. 

Бу кеше 1 майда Казанда исерек килеш 33 яшьлек бергә яши торган хатыны белән талашкан. Хатын ирен беркайда эшләмәгән өчен гаепләгән, ул үзе исә алтынчы ай йөкле булуына карамастан, эшкә йөргән. Бу хатын таксида эшләгән. Җавап итеп Парахин хатынга пычак белән суккан. 

Мәрхүмә хатынның беренче никахтан туган улы "ашыгыч ярдәм" чакырткан. Ләкин хастаханәгә барышлый, хатын вафат булган.

Парахин гаебен таныган.