Студент кызның колагына таракан оялаган
Мәскәүдә тулай торакта яшәүче кызга табиблар ярдәм иткән.
Мәскәүдәге югары уку йортында укучы студент кызның колагыннан таракан алганнар. Ул Африкадагы Конго дәүләтеннән Мәскәүгә укырга килгән. Тулай торакта яши. Бу турыда «Вести» каналы хәбәр итте.
Төнлә йоклап ятканда аның колагына таракан кереп китә. Бер мизгелдә кыз колагында дискомфорт сизеп ала. Күрше кызы колакны карый һәм бөҗәкнең арткы өлешен генә күреп ала.
Студентлар тараканны үзләре чыгарырга маташып карый. Тик куркуга калган таракан тагын да эчкәрәк кереп оялый.
Шуннан соң кызлар ашыгыч ярдәм чакыралар. Колагына таракан кергән кызны хастаханәгә алып китәләр. Кызның колагындагы бөҗәкне хастаханә табиблары чыгара, диелә бу хәбәрдә.
Мондый очракта һичшиксез табибка мөрәҗәгать итәргә кирәк. Колакка кергән бөҗәкне мөстәкыйль рәвештә чыгарып азапланырга ярамый.
- Өйдәге тараканнарны ничек бетерергә?
- Ни өчен тараканнардан беркайчан да котылып булмаячак?